STKI_JayParedes_Birdshare

Aashiyaane se ude parindon ko
Hargiz khayal na tha,
Ki fizaaon ka rukh kuch aisa asar karengi
Ki wapasi par kaante ho na ho
Chubhenge zarur.

Jab ude to jawan the,
Shayad sharif bhi.

Aur Phir,
Pahunche pardesi mulk mein.
Kehne ko toh musafir, par
Hain toh kafir hi.

Aur yahin mila woh aasman,
Phir ude toh aise ude
Ki aasman bhi chhota pad gaya.
Aur mauka phir aaya hai
Yeh aashiyana bhi chhodne ka.

Udna toh sabne seekh liya,
Par, udna chahta kaun hai.

Advertisements